Kapuy na og tuo aning COVID

Naboang ta aning COVID sa una pa

Di gyud nako malimtan kung unsa ta ka praning tanan pagsulod aning tibaghak nga COVID-19 sa Pilipinas. Grabe ang epekto sa mga tao. Hala hoard diri, hoard didto. Sold out ang sanitary products sa mall! Nagkaboang intawon ang mga tawo sa pagpangita og alcohol ug face mask.

Abril 2 niadtong 2020 gi-implementar ang unang Enhanced Community Quarantine diri sa Dakbayan.Werla ang all uy. Ang istorya ani si Mayor Inday Sara nag-desisyon nga mag-ECQ na kay nisaka ang kaso sa 49 atong panahona. Tapos, naay 6 kabuok nga namatay. In fairness naman, palangga gyud ta sa atoang Mayora. Bale naa diri ang Executive No. 23.

Mura jud tag gi-hold up ato no. "No movement" jud uy! "Walang kikilos! Hold up to!" Ana ang drama! Nga nga ang all uy. Puyo lang jud sa balay ang tanan. Samot nga ka nga-nga. Mga negosyo nagsara. Mga raketero, ugdaw ang pangita.

Grabe gyud to nga pagsuway sa atoa. Agi pa'g pasmo ang uban.

Ang padayon nga kahasol

Okay raman unta og didto ra to kutob no. Ang nakadaut ani kay hangtud karon, mura'g mao gihapon. Nilala pa. Hasol kaayo mag face mask. Mag face shield. Lisud ihinga. Choke na choke eh. Pero labaw pa ana, ang mga tao sa nagkadaiyang industriya halos wala nay paglaum.

Sa pagkakaron, gibalik nasad ang MECQ. Undang nasad ang operasyon sa uban. Naa nasad ba kahay ayuda para kanila? Mao ni ang angay nga tubagon. Kapoy na kaayo og tuo. Ginapalisdan na kaayo ang tao.

Gikapoy nasad ko og sulat sulat ani kay naglain akong buot. Humanon ko nalang ni sa pangutang, "Hangtud kanus-a man kini?"